Թեժ գիծ +37410 511 211

Նորություններ

ՀՀ վարչապետը և Էդուարդո Էռնեկյանը քննարկել են ՀՀ-ում ներդրումային ծրագրերը

ՀՀ վարչապետը և Էդուարդո Էռնեկյանը քննարկել են ՀՀ-ում ներդրումային ծրագրերը

15.09.2020 - Վարչապետ Նիկոլ Փաշինյանը հյուրընկալել է Հայաստանի ազգային հերոս, արգենտինահայ գործարար, բարերար Էդուարդո Էռնեկյանին: Ողջունելով պարոն Էռնեկյանին՝ վարչապետը նշել է. "Հարգելի պարոն Էռնեկյան, ուրախ եմ Ձեզ տեսնել Հայաստանում: Մենք այս ընթացքում նաև հեռախոսազրույց ենք ունեցել, քննարկել մեր անելիքները և Հայաստանի Հանրապետությունում Ձեր կողմից հնարավոր ներդրումային ծրագրերը: Ուրախ եմ, որ Դուք կորոնավիրուսի պայմաններում և դրա հետևանքով ստեղծված իրավիճակում նույնպիսի ոգևորությամբ եք վերաբերվում Հայաստանում ներդրումային ծրագրեր իրականացնելու հնարավորություններին: Ձեր կողմից իրականացված նախկին ծրագրերը հաջողությամբ իրականացվում են, ինչն, իհարկե, ուրախալի է մեզ համար: Համոզված եմ, որ այս համագործակցությունն ավելի տեսանելի արդյունքներ կբերի Հայաստանի Հանրապետությանը":

Կոնվերս Բանկի քարտապանների համար հանգիստը Հայաստանում նաև շահավետ է

Կոնվերս Բանկի քարտապանների համար հանգիստը Հայաստանում  նաև շահավետ է

28.08.2020 - Կոնվերս բանկը և տուրիզմի ոլորտում գործընկեր կազմակերպությունները բանկի քարտապանների համար հանդես են եկել համատեղ հետաքրքիր առաջարկով: Գործարկված ակցիայի շրջանակում Բանկն առաջարկում է գործընկեր կազմակերպություններից առաջիկա շաբաթներին գնել ներգնա տուրփաթեթներ ու տուրեր, վճարում իրականացնել Բանկի POS և/կամ E-POS տերմինալների միջոցով և ստանալ գումարի 10%-ի չափով գումարի հետվերադարձ: “Սա Բանկի հաճախորդներին ավելի մատչելի ու շահավետ պայմաններով հանգստի կազմակերպմանն ուղղված հերթական առաջարկն է: Վստահ ենք, որ ակցիան դրական ազդեցություն կունենան նաև գործընկեր կազմակերպությունների վրա՝ խթանելով տուրիստական հոսքը“,-ասել են Բանկում:

Կոնվերս Բանկին շնորհվել է Commerzbank-ի “Euro STP Excellence Award-2019” մրցանակը

Կոնվերս Բանկին շնորհվել է Commerzbank-ի “Euro STP Excellence Award-2019” մրցանակը

21.08.2020 - Կոնվերս Բանկն արժանացել է եվրոպական առաջատար Commerzbank AG բանկի` որակի գերազանցության “Euro STP Excellence Award- 2019” պատվավոր մրցանակին SWIFT համակարգով իրականացվող փոխանցումների քանակական աճի և կատարողական բարձր մակարդակի ապահովման համար: Commerzbank –ի կողմից շնորհված այս մրցանակը հերթական անգամ փաստում է Կոնվերս Բանկի կողմից մատուցվող ծառայությունների՝ միջազգային ամենաբարձր չափանիշներին համապատասխանության մասին, ինչի շնորհիվ և ապահովվում է միջազգային փոխանցումների ավտոմատ մշակում և մաքսիմալ արագություն:

Կոնվերս Բանկն ու Արմենիան Lիզինգ Քամփնին կհամագործակցեն Հայաստանում լիզինգի շուկայի զարգացման նպատակով

Կոնվերս Բանկն ու Արմենիան Lիզինգ Քամփնին կհամագործակցեն Հայաստանում լիզինգի շուկայի զարգացման նպատակով

18.08.2020 - Կոնվերս Բանկի ու Արմենիան Լիզինգ Քամփնի ընկերության /Արմլիզինգ / միջև ստորագրվել է համագործակցության պայմանագիր: Դրա շրջանակում Արմլիզինգը Կոնվերս Բանկի կողմից առաջարկվող հաճախորդներին մատուցելու է մասնագիտացված լիզինգային ծառայություններ՝ սպասարկելու է լիզինգի բուն գործընթացը, տրամադրելու է տարաբնույթ այլ ծառայություններ՝ այդ թվում խորհրդատվություն: Իրականացվելու են ֆինանսավորման համատեղ նախագծեր, որոնց շրջանակում՝ համաֆինանսավորման սկզբունքով, հաճախորդներին են առաջարկվելու հատուկ պայմաններ:

Կոնվերս Բանկը հայտարարում է ակցիա առողջ ապրելակերպի սիրահար Վիզա քարտապանների համար

Կոնվերս Բանկը հայտարարում է ակցիա առողջ ապրելակերպի սիրահար Վիզա քարտապանների համար

17.08.2020 - Կոնվերս Բանկը հայտարարում է "Սպորտը իմ կյանքում" ակցիայի մեկնարկը իր Վիզա քարտապանների համար: Ակցիայի շրջանակում՝ օգոստոսի 17-սեպտեմբերի 30-ը ներառյալ, կատարելով անկանխիկ գնումներ, Բանկի Վիզա քարտապանները կարող են ստանալ 50 սպորտային նվերներից մեկը: Մասնավորապես, 5,000 ՀՀ դրամ և ավել անկանխիկ քանակային ամենաշատ գործարք կատարած երեք քարտապանից յուրաքանչյուրը կստանա սպորտային համալիրի մեկամյա բաժանորդագրություն մեկ անձի համար, 4-10-րդ տեղերը զբաղեցրածները կստանան հեծանիվի կամ հեծանվասարքի գնման վկայական: Որպես նվեր նախատեսված են նաև Հայաստանում երկօրյա հանգստի ուղեգրեր, սպորտային ժամացույցներ և 1 ամբողջ օրվա փաթեթ Յելլ էքսթրիմ այգու ծառայություններից օգտվելու համար:

Էօրնեկեան դպրոցի շրջանավարտները կրթաթոշակներ են ստացել պարոն Էռնեկյանի և նրա կողմից կառավարվող ընկերությունների կողմից

Էօրնեկեան դպրոցի շրջանավարտները կրթաթոշակներ են ստացել պարոն Էռնեկյանի և նրա կողմից կառավարվող ընկերությունների կողմից

23.06.2020 - Կոնվերս Բանկի ներկայացուցիչները Մայր Աթոռ սուրբ Էջմիածնի Էօրնեկեան հանրակրթական դպրոցի շրջանավարտներին են փոխանցել նրանց ուսման տարիներին կուտակված կրթաթոշակները։ Կրթաթոշակները դպրոցի սաներին են տրվում Էդուարդո Էռնեկյանի և նրա կողմից Հայաստանում կառավարվող ընկերությունների՝ այդ թվում Բանկի կողմից, տարեկան կտրվածքով։ Կուտակված դրամագլուխը աշակերտները ստանում են դպրոցն ավարտելիս՝ Կոնվերս Բանկի վճարային քարտերով: Ընդհանուր առմամբ, 2019-2020թթ ուստարվա 45 շրջանավարտի կտրվի ավելի քան 17,000 ԱՄՆ դոլարի կրթաթոշակ, որը նրանք կարող են օգտագործել տարբեր՝ այդ թվում կրթության, մասնագիտական ունակությունների զարգացման նպատակով։ Նախագծի մեկնարկից ի վեր կրթաթոշակ է ստացել դպրոցի ավելի քան 180 շրջանավարտ։