Ֆիզիկական անձ հաճախորդներին տրամադրվող բանկային ծառայությունների փաթեթներ` ''Պրեմիում''

Վաղաժամկետ մարում

Մինչև 15 մլն ՀՀ դրամ գումարի չափով կրեդիտավորման պայմանագրերի դեպքում.

• Հաճախորդն իրավունք ունի առանց որևէ պատճառաբանության միակողմանիորեն լուծելու վարկային պայմանագիրը դրա կնքմանը հաջորդող 7 աշխատանքային օրվա ընթացքում, եթե վարկային պայմանագրով ավելի երկար ժամկետ նախատեսված չէ (մտածելու ժամանակ): Այդ դեպքում հաճախորդը պարտավոր է վարկի գումարն օգտագործելու համար Բանկին վճարել տոկոսներ, որոնք հաշվարկվում են վարկային պայմանագրով նախատեսված տարեկան փաստացի տոկոսադրույքին համապատասխան: Վարկային պայմանագրի լուծման հետ կապված որևէ այլ հատուցում հաճախորդից պահանջվել չի կարող:
• Հաճախորդն իրավունք ունի վարկային պայմանագրով նախատեսված պարտավորությունները ժամկետից շուտ կատարել (մարել)՝ անկախ այն հանգամանքից, թե նման իրավունք վարկային պայմանագրով նախատեսված է, թե ոչ:
• Վարկային պայմանագրով ունեցած պարտավորությունները ժամկետից շուտ կատարելու (մարելու) դեպքում համամասնորեն կնվազեցվի/կվերադարձվի վարկավորման ընդհանուր ծախսը, այդ թվում՝ վարկային պայմանագրի համաձայն վճարման ենթակա ընդհանուր տոկոսագումարը, կրեդիտի տրամադրման վճարները: Նվազեցման/վերադարձման ենթակա չեն վճարային քարտի տրամադրման և սպասարկման ու կանխիկացման վճարները։

Տույժեր և տուգանքներ

• Պայմանագրով նախատեսված մարման ժամկետների խախտում թույլ տալու դեպքում վարկառուն Բանկին վճարում է տույժ` ժամկետանց գումարի 0.13%-ի չափով՝ ուշացման յուրաքանչյուր օրվա համար:

• Մինչև 15 մլն ՀՀ դրամ գումարի չափով տրամադրված վարկերի վաղաժամկետ մարման դեպքում տույժեր և տուգանքներ չեն կիրառվում:

• 15 մլն ՀՀ դրամ գումարը գերազանցող վարկերի համար գործողության առաջին 3 տարիների ընթացքում վաղաժամկետ ամբողջական մարման դեպքում կիրառվում է տուգանք վարկի սկզբնական գումարի 3%-ի չափով: Վարկային պայմանագրի գործողության մնացած ժամանակահատվածի համար վարկը վաղաժամկետ մարելու տուգանք սահմանված չէ:

Մարման և տոկոսի հաշվարկման կարգ

1. Արտոնյալ ժամանակահատվածով վարկային սահմանաչափ

Յուրաքանչյուր ամսվա ընթացքում կատարած գործարքներն/գործառնություններն (այսուհետ` Գործարքներ) արտացոլվում են ամսական քաղվածքում: Քաղվածքի ձևավորման օր է համարվում յուրաքանչյուր ամսվա 1-ը, 10 կամ 25-ը:
Տոկոսների հաշվարկը կատարվում է օրական օգտագործված մասի դիմաց:
Պարտադիր վճարները կատարելու համար տրամադրվում է քաղվածքի ձևավորման օրվանից սկսած 15 օր տևողությամբ վճարման ժամկետ, որի ընթացքում հաճախորդը պարտավոր է մարել քաղվածքի ձևավորման օրվա սկզբի դրությամբ օգտագործված մասի առնվազն 10%-ը և մինչև վճարման պահը կուտակված տոկոսները, առկայության դեպքում` միչև վճարման պահը կուտակված տույժերն ու տուգանքները, գերածախսված գումարներն ու սպասարկման վճարները:
Մինչև վճարման ժամկետի ավարտը գործում է արտոնյալ ժամանակահատված, որի ընթացքում օգտագործված գումարներն ամբողջությամբ մարելու դեպքում դրանց դիմաց տոկոսի հաշվեգրում չի կատարվում:

Պարտավորությունների մարումն իրականացվում է հետևյալ հերթականությամբ․
- գերածախսված գումարներ (առկայության դեպքում),
- հաշվարկված տույժեր ու տուգանքներ (առկայության դեպքում),
- նախորդ ժամանակահատված/ներ/ի ժամկետանց տոկոսագումար (առկայության դեպքում),
- նախորդ ժամանակահատված/ներ/ի ժամկետանց մայր գումար (առկայության դեպքում),
- հաշվարկված տոկոսներ (առկայության դեպքում),
- սահմանաչափի օգտագործված մաս:

2. Վճարումների արտոնյալ ժամանակահատվածով վարկային սահմանաչափ

Յուրաքանչյուր ամսվա ընթացքում կատարած Գործարքներն արտացոլվում են ամսական քաղվածքում: Քաղվածքի ձևավորման օր է համարվում յուրաքանչյուր ամսվա 1-ը:
Տոկոսների հաշվարկը կատարվում է օրական օգտագործված մասի դիմաց:
Պարտադիր վճարները կատարելու համար տրամադրվում է քաղվածքի ձևավորման օրվանից սկսած 20 օր տևողությամբ վճարման ժամկետ, որի ընթացքում հաճախորդը պարտավոր է մարել քաղվածքի ձևավորման օրվա սկզբի դրությամբ օգտագործված մասի առնվազն 10%-ը և մինչև վճարման պահը կուտակված տոկոսները, առկայության դեպքում` միչև վճարման պահը կուտակված տույժերն ու տուգանքները, գերածախսված գումարներն ու սպասարկման վճարները:
Մինչև վճարման ժամկետի ավարտը` առևտրի և սպասարկման կետերում, այդ թվում՝ առցանց միջավայրում, կատարված Գործարքներից* (այսուհետ` Վճարումներ) ձևավորված գումարի համար գործում է արտոնյալ ժամանակահատված, որի ընթացքում այդ գումարների մարված մասի դիմաց տոկոսի հաշվեգրում չի կատարվում:

Պարտավորությունների մարումն իրականացվում է հետևյալ հերթականությամբ․
- գերածախսված գումարներ (առկայության դեպքում),
- հաշվարկված տույժեր ու տուգանքներ (առկայության դեպքում),
- նախորդ ժամանակահատված/ներ/ի ժամկետանց տոկոսագումար (առկայության դեպքում),
- նախորդ ժամանակահատված/ներ/ի ժամկետանց մայր գումար (առկայության դեպքում),
- սահմանաչափի օգտագործված մաս:
- հաշվետու ժամանակահատվածի ընթացքում Բացառություններին ուղղված օգտագործված մասի և նախորդ հաշվետու ժամանակահատվածի ընթացքում Վճարումներին ուղղված օգտագործված մասի դիմաց հաշվարկված տոկոսներ (առկայության դեպքում),
- հաշվետու ժամանակահատվածի ընթացքում Բացառություններին ուղղված օգտագործված մաս,
- հաշվետու ժամանակահատվածի ընթացքում Վճարումներին ուղղված օգտագործված մաս։
_________________________________________
* Չեն ներառվում հաշիվների, քարտերի, էլեկտրոնային դրամապանակների համալրումները, վարկի մարման գործարքները, խաղատների և շահումով խաղերի խաղադրույքները, վիրտուալ խաղատների և խաղադրույք ընդունող ընկերությունների հաշիվների համալրումները և Բանկի ներքին համակարգերով իրականացված գործառնությունները (այսուհետ` Բացառություններ)։

3. Առանց արտոնյալ ժամանակահատվածի վարկային սահմանաչափ

Յուրաքանչյուր ամսվա ընթացքում կատարած Գործարքներն արտացոլվում են ամսական քաղվածքում: Քաղվածքի ձևավորման օր է համարվում յուրաքանչյուր ամսվա 1-ը:
Տոկոսների հաշվարկը կատարվում է օրական օգտագործված մասի դիմաց:
Հաճախորդը պարտավոր է յուրաքանչյուր ամսվա պայմանագրով սահմանված տոկոսների վճարման օրը կամ դրան նախորդող 15 օրյա ժամանակահատվածում մարել մինչև վճարման պահը կուտակված տոկոսները, առկայության դեպքում` տույժերն ու տուգանքները, գերածախսված գումարներն ու սպասարկման վճարներն ամբողջությամբ։

Պարտավորությունների մարումն իրականացվում է հետևյալ հերթականությամբ․
- գերածախսված գումարներ (առկայության դեպքում),
- հաշվարկված տույժեր ու տուգանքներ (առկայության դեպքում),
- նախորդ ժամանակահատված/ներ/ի ժամկետանց տոկոսագումար (առկայության դեպքում),
- հաշվարկված տոկոսներ (առկայության դեպքում),
- սահմանաչափի օգտագործված մաս:

4. Առանց արտոնյալ ժամանակահատվածի, նվազող սահմանաչափով վարկային սահմանաչափ

Յուրաքանչյուր ամսվա ընթացքում կատարած Գործարքներն արտացոլվում են ամսական քաղվածքում: Քաղվածքի ձևավորման օր է համարվում յուրաքանչյուր ամսվա 1-ը:
Վարկային սահմանաչափը տրամադրվում է մայր գումարի ամսական հավասարաչափ մարման պայմանով 60-120 ամիս ժամկետով՝ ելնելով տրամադրվող սահմանաչափի ապահովվածությունից:
Տոկոսների հաշվարկը կատարվում է օրական օգտագործված մասի դիմաց:
Հաճախորդը պարտավոր է յուրաքանչյուր ամսվա պայմանագրով սահմանված վճարման օրը հաշվին ապահովել մարման ենթակա մայր գումարն ամբողջությամբ, իսկ հաշվարկված տոկոսագումարը, առկայության դեպքում, նաև տույժերն ու տուգանքները, գերածախսված գումարներն ու սպասարկման վճարները հաշվին մուտքագրել` պայմանագրով սահմանված վճարման օրը կամ դրան նախորդող 15 օրյա ժամանակահատվածում:

Պարտավորությունների մարումն իրականացվում է հետևյալ հերթականությամբ․
- գերածախսված գումարներ (առկայության դեպքում),
- հաշվարկված տույժեր ու տուգանքներ (առկայության դեպքում),
- նախորդ ժամանակահատված/ներ/ի ժամկետանց տոկոսագումար (առկայության դեպքում),
- Նախորդ ժամանակահատված/ներ/ի ժամկետանց մայր գումար (առկայության դեպքում),
- հաշվարկված տոկոսներ,
- սահմանաչափի օգտագործված մաս:

Տարեկան տոկոսային եկամտաբերություն

Ձեր հաշվում առկա միջոցների նկատմամբ տոկոսագումարները հաշվարկվում են պարզ տոկոսադրույքի հիման վրա, իսկ տարեկան տոկոսային եկամտաբերությունը ցույց է տալիս, թե որքան եկամուտ կստանայիք Դուք, եթե ավանդի դիմաց ստացված տոկոսագումարները կանոնավոր վերաներդրվեին ավանդի տեսքով:
Ավանդի տարեկան տոկոսային եկամտաբերության չափի հաշվարկման համար հիմք է ընդունվում ՀՀ ԿԲ ''Բանկային ավանդների տարեկան տոկոսային եկամտաբերության հաշվարկումը'' Կանոնակարգ 8/02''-ով սահմանված բանաձևը.

APY=(1+r/ո)ո-1,

որտեղ`
• APY - տարեկան տոկոսային եկամտաբերություն
• r - տարեկան պարզ տոկոսադրույք
• ո - մեկ տարվա ընթացքում տոկոսագումարների կապիտալացման հաճախականություն
 

Վարկի տոկոսագումարը հաշվարկվում է անվանական տոկոսադրույքի հիման վրա, որը կիրառվում է նվազող մնացորդի նկատմամբ, իսկ տարեկան փաստացի տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և վարկի տրամադրման ու սպասարկման գծով բոլոր պարտադիր վճարները սահմանված ժամկետներում և չափերով կատարելու դեպքում:
Տարեկան փաստացի տոկոսադրույքի հաշվարկման կարգը կարող եք գտնել հետևյալ հասցեում:

Սահմանափակումներ

1. Մեկ անձը կարող է սպասարկվել միայն մեկ Փաթեթի ներքո:
2. Փաթեթի մեջ գործող ծառայության ներառման կամ Փաթեթի փոփոխության դեպքում՝ մինչ այդ կուտակված պարտավորությունները ենթակա են վճարման տվյալ պահին, իսկ գանձված միջնորդավճարները ենթակա չեն վերադարձման:
3. Փաթեթը փոփոխելիս՝
3.1. անցման պահից նույն ծառայությունների համար գործում են նոր Փաթեթով սահմանված սակագները,
3.2. նոր Փաթեթում գործող ծառայությունից առկա չլինելու դեպքում, անցման պահից կիրառվում են դրանց համար սահմանված ստանդարտ սակագներ և պայմանները, կամ կարող են փակվել հաճախորդի դիմումի համաձայն՝ ձևավորված պարտավորությունների ամբողջական մարման դեպքում:
4. Փաթեթի սպասարկումը կարող է դադարեցվել.
4.1. Հաճախորդի դիմումի համաձայն՝ Փաթեթի և դրա ներքո գործող ծառայությունների գծով վճարների և պարտավորությունների ամբողջական մարման դեպքում, ինչից հետո յուրաքանչյուր ծառայության համար կկիրառվեն Բանկի կողմից սահմանված ստանդարտ սակագներ և պայմանները:
4.2. Բանկի նախաձեռնությամբ՝
4.2.1. հաճախորդի կողմից ծառայություններից օգտվելու կանոնների և պայմանների խախտման դեպքում,
4.2.2. 6 ամիս անընդմեջ Փաթեթի ամսական սպասարկման վճարի չվճարման դեպքում:
4.2.3. Բոլոր վերոնշյալ դեպքերում Փաթեթի ներքո տրամադրված ծառայությունները ենթակա են փակման, իսկ դրա անհնարինության դեպքում՝ դադարեցման պահից կկիրառվեն տվյալ ծառայության համար Բանկի կողմից սահմանված ստանդարտ սակագներ և պայմանները:

Բանկի հետ հաղորդակցման եղանակ

Դուք իրավունք ունեք հաղորդակցվել ''Կոնվերս Բանկ'' ՓԲԸ հետ Ձեր նախընտրած եղանակով՝ փոստային կապի միջոցով կամ էլեկտրոնային եղանակով: Էլեկտրոնային եղանակով տեղեկատվության ստացումն ամենահարմարավետն է՝ հասանելի է 24/7 ռեժիմով, զերծ է թղթային տեղեկատվության կորստի ռիսկից և ապահովում է գաղտնիություն:
Բացի այդ, պայմանագրի գործողության ընթացքում, էլեկտրոնային կապի միջոցով կամ Ձեր ընտրությամբ` այլ եղանակով (օրինակ՝ փոստային կապ, Բանկի տարածքում՝ առձեռն, և այլն), Բանկը Ձեզ կտրամադրի ծառայության ընդհանուր պայմանների և այլ վճարների, հաղորդակցման կարգի, պայմանագրից բխող իրավունքների, պարտականությունների կամ պատասխանատվության վրա ուղղակի ազդեցություն ունեցող իրավական ակտերի և այլ հանգամանքների փոփոխության, ներառյալ` վարկային բյուրո տվյալների փոխանցման մասին:

Քաղվածքների, տեղեկանքների և այլ տեղեկությունների տրամադրում (ներառյալ ԱԱՀ)

• Քաղվածքի տրամադրում ՀՀ օրենսդրությամբ և/կամ պայմանագրով սահմանված պարբերականությամբ հաճախորդի նախընտրած եղանակով՝ 0
• ՀՀ օրենսդրությամբ և/կամ պայմանագրով սահմանված պարբերականությամբ էլեկտրոնային եղանակով տրամադրված քաղվածքների՝ հաճախորդի ցանկությամբ հավելյալ տրամադրում վերջինիս նախընտրելի եղանակով և նախընտրելի ժամանակահատվածի համար (յուրաքանչյուր ժամանակահատվածի համար մեկ անգամ, իսկ Converse Mobile հավելվածի քաղվածքի ուղարկման հնարավորության կիրառումով՝ առանց սահմանափակման)՝ 0
• Քաղվածքի տրամադրում նախորդ կետերում սահմանված պարբերականությունից բացի1
- մինչև 3 տարի վաղեմության՝ 1,000 ՀՀ դրամ
- 3 տարի և ավելի վաղեմության (Բանկում պահպանված լինելու դեպքում)՝ 3,000 ՀՀ դրամ
• Տարբեր հաստատություններ ներկայացնելու համար տեղեկանք1
- Մեկ ամսվա ընթացքում բացված հաշիվների դեպքում2՝ 5,000 ՀՀ դրամ
- Ավելի վաղ բացված հաշիվների դեպքում՝ 3,000 ՀՀ դրամ
• Հաշվի/հաշիվների մնացորդի և/կամ շրջանառության մասին տեղեկանք՝ Բանկի ինտերնետային կայքի միջոցով ներկայացված հայտի հիման վրա՝ 3,000 ՀՀ դրամ
• Տեղեկանքներ/գրություններ կատարված գործարքների վերաբերյալ
- Մինչև մեկ ամսվա վաղեմություն ունեցող գործարքների համար՝ 3,000 ՀՀ դրամ
- Մեկ ամսից ավելի վաղեմություն ունեցող գործարքների համար՝ 5,000 ՀՀ դրամ
• Գործարքի կատարման հիմքեր, և այլ փաստաթղթերի պատճեններ (յուրաքանչյուր փաստաթղթի համար)
- Մինչև 1 ամիս վաղեմություն ունեցող՝ 1,800 ՀՀ դրամ
- Մինչև 1 տարի վաղեմություն ունեցող՝ 3,000 ՀՀ դրամ
- Մեկ տարուց ավելի վաղեմություն ունեցող՝ 12,000 ՀՀ դրամ

Այլ ծառայությունների սակագներ (ներառյալ ԱԱՀ)

• Քաղվածքների կամ այլ փաստաթղթերի փոստային առաքում
 Ներհանրապետական՝ 0
 Միջազգային
- Օրենքով և պայմանագրով սահմանված լինելու դեպքում` առաքման ծառայությունը մատուցող կազմակերպության կողմից սահմանված սակագին
- Այլ դեպքերում` առաքման ծառայությունը մատուցող կազմակերպության կողմից սահմանված սակագին + 1,500 ՀՀ դրամ
• Քաղվածքների կամ այլ փաստաթղթերի՝ Պատվիրակված առաքման փոստային ծառայության միջոցով առաքում
- Ներհանրապետական՝ 3,000 ՀՀ դրամ
- Միջազգային` Առաքման ծառայությունը մատուցող կազմակերպության կողմից սահմանված սակագին + 5,000 ՀՀ դրամ
_________________________________________
1Նույն հաճախորդին տեղեկանքի և քաղվածքի միաժամանակյա տրամադրման և տեղեկանքի դիմաց գանձում նախատեսված լինելու դեպքում գանձումը կատարվում է միայն տեղեկանքի դիմաց:
2Մեկից ավելի գործող հաշիվ ունենալու պարագայում դիտարկվում է ավելի վաղ բացված հաշվի բացման ամսաթիվը՝ անկախ տեղեկանքում ներառվելու փաստից:

Բանկային ծառայությունների փաթեթի տրամադրման վայր

Փաթեթի տրամադրման համար կարող եք դիմել Բանկի Գլխավոր գրասենյակի Հաճախորդների սպասարկման գրասենյակ (ՀՍԳ) և մասնաճյուղեր, բացառությամբ հետևյալների` «Ավիացիա» և «Շիրակ»:
Վարկային սահմանաչափի համար Կարող եք դիմել նաև Կոնվերս Մոբայլ հավելվածի միջոցով՝ տրամադրման որոշումը կայացվում է Սքոր գնահատականի կիրառմամբ:

Սքոր (վարկային միավոր)

Վարկային սահմանաչափի տրամադրման վերաբերյալ որոշումը կարող է կայացվել նաև ավտոմատացված ծրագրային համակարգի միջոցով՝ Բանկի Սքոր գնահատականի (Converse Score) և FICO Score-ի (մանրամասները՝ https://acra.am/?page_id=609&lang=hy և https://abcfinance.am/news/news_varkayinscore.html հղումներում) հիման վրա: Այն ձևավորվում է Բանկի համար հասանելի բազաներում պարունակվող տվյալների մշակման և այդ տվյալների ու վարկավորման չափանիշների համադրության միջոցով, որն արտացոլում է հաճախորդի վարկունակությունը:
Վարկային միավորը ստացվում է մի շարք չափանիշների ներգործությամբ, մասնավորապես՝ վարկային պատմության նկատմամբ պահանջներ, այդ թվում՝ վճարումների պատմություն և ծանրաբեռնվածություն, գործող վարկերի ապահովվածության տեսակ, հայտատուի եկամտի չափ:

Բանկի սքորի հաշվարկման հիմքում դրված հիմնական գործոնները և դրանց ազդեցությունները.

Միաժամանակ կիրառվում են սահմանափակող մի շարք գործոններ:

Սահմանափակումներ

• Դիմելու պահին հայտատուի անունով չպետք է առկա լինեն սնանկության վերաբերյալ տեղեկատվություն:
• Դիմելուն նախորդող մեկ տարվա ընթացքում հայտատուի անունով չպետք է առկա լինեն պարտքերի հանրագումարը 50,000 ՀՀ դրամը գերազանցող ԴԱՀԿ կամ այլ իրավասու մարմնի որոշման հիման վրա դրված արգելանքներ, կալանքներ:
• Չպետք է առկա լինի վարկային պատմության վերաբերյալ տեղեկատվության ստացման արգելափակում:
• Վարկ տրամադրելու նպատակով կատարված վարկային հարցումների և տրամադրված պարտավորությունների քանակը պետք է համապատասխանի Բանկի կողմից սահմանված պահանջներին:

Անհրաժեշտ փաստաթղթերի ցանկ

Վարկային սահմանաչափի տրամադրելու դրական որոշման և մերժման գործոններ

Բանկը հակված է տրամադրել վարկային սահմանաչափը, եթե հայտատուն
• համապատասխանում է տվյալ վարկի տրամադրման պայմաններին և սահմանափակող դրույթներին,
• ծանրաբեռնված չէ վարկային պարտավորություններով,
• դիմելու պահին չունի ժամկետանց և/կամ դասակարգված պարտավորություններ,
• դիմելու պահին առկա չէ սնանկության վերաբերյալ տեղեկատվություն,
• ունի դրական վարկային պատմություն,
• ստանում է բավարար վարկունակության գնահատական (սքորի միավոր),
• դիմելու պահին չունի ԴԱՀԿ կամ այլ իրավասու մարմնի որոշման հիման վրա դրված արգելանքներ:
Հայտատուի՝ վերոնշյալ պայմաններից ցանկացածին, ինչպես նաև Բանկի ներքին իրավական ակտերով սահմանված այլ պահանջներին չհամապատասխանելը, կարող է հանգեցնել վարկի տրամադրման մերժմանը:

Վարկային սահմանաչափի տրամադրման որոշման մասին տեղեկացնելու և տրամադրելու ժամկետներ

(ՀՍԳ) և մասնաճյուղերում՝

վարկային սահմանաչափի տրամադրման որոշման կայացումը տևում է առավելագույնը 5 բանկային օր, Հաճախորդը տեղեկացվում է մեկօրյա ժամկետում, սահմանաչափը տրամադրվում է 3 բանկային օրվա ընթացքում:

Կոնվերս Մոբայլ հավելվածի միջոցավ՝

- վարկի տրամադրման որոշման կայացումը տևում է մինչև 10 րոպե,
- հաճախորդի իրազեկումն իրականացվում է որոշման կայացումից հետո անմիջապես,
- վարկը տրամադրվում է պայմանագրի կնքումից հետո` գործընթացը տևում է մինչև 30 րոպե:

Վարկային պատմություն

Վարկային պատմությունը ֆիզիկական կամ իրավաբանական անձի ֆինանսական պարտավորությունների վերաբերյալ տեղեկատվության ամբողջությունն է, որը ցույց է տալիս վերջինիս ֆինանսական պարտավորությունների կամ դրանց կատարման պատմությունը: Այն կարևոր է, քանի որ վարկի համար դիմելուց, բանկը կամ վարկային կազմակերպությունը, մինչև վարկ տրամադրելու որոշում կայացնելը, ուսումնասիրում է դիմումատուի վարկային պատմությունն ու գնահատում, թե որքանով է պատասխանատու վերջինս՝ որպես վարկառու:

Վարկային պատմության մեջ ներառվում են հարցման պահին նախորդող 5 տարիների վերաբերյալ տվյալները, և այն ձևավորվում է`
• անձի ստացած ֆինանսավորումներից, այդ թվում՝
- դրանց քանակից և գումարից,
- յուրաքանչյուր ֆինանսավորման գումարից, տեսակից, ժամկետներից, դրա գծով վարկատուի կողմից կիրառվող անվանական տոկոսադրույքից,
- ֆինանսավորման ապահովում հանդիսացող գրավների վերաբերյալ տեղեկատվությունից,
• վարկից բխող մարումների կատարման պարտաճանաչությունից (օրինակ` ժամանակին են վճարվել տոկոսներն ու մայր գումարը, թե՝ ոչ),
• այլ անձանց տրամադրված երաշխավորություններից, դրանց քանակից և գումարից, յուրաքանչյուր երաշխավորությամբ ապահովված վարկի տեսակից, ժամկետներից և գրավների վերաբերյալ տեղեկատվությունից,
• ֆինանսավորումների և երաշխավորությունների գծով ժամկետանց օրերի/գումարների առկայությունից, ինչպես նաև դրանց համար սահմանված տույժ ու տուգանքներից,
• չվճարված կամ ուշացված կոմունալ վճարներից:

Վարկային պատմությունը չի պարունակում անձնական բնույթի տվյալներ, ինչպես օրինակ անձի էթնիկական պատկանելիություն, կրոնական և քաղաքական հայացքներ, սոցիալական վիճակ և այլն:

Եթե վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով վարկառուն կարող է այդ մասին տեղեկացնել «ԱՔՌԱ Քրեդիտ Ռեփորթինգ» ՓԲԸ-ին, այսուհետ՝ նաև Վարկային բյուրո, կամ ուղղակիորեն դիմել տեղեկատվություն տրամադրող ֆինանսական կազմակերպություններին: Վարկային բյուրոյին տեղեկացումը կարող է իրականացվել համապատասխան գրավոր դիմում ներկայացնելու միջոցով կամ էլեկտրոնային եղանակով՝ առցանց ռեժիմում «Իմ ԱՔՌԱ» անձնական գրասենյակից:
Վարկային բյուրոյի կողմից տրամադրված վարկային զեկույցների վերաբերյալ հաճախորդների բողոքների ընդունման/ստացման, քննարկման և վերջիններիս արձագանքման գործընթացը, գործողությունների հաջորդականությունը սահմանվում է «ԱՔՌԱ Քրեդիտ Ռեփորթինգ» ՓԲԸ-ի «Վեճերի լուծման ընթացակարգ»-ով:

Մանրամասները՝ www.abcfinance.am և www.acra.am հղումներում:

Վարկային պատմության և սքոր գնահատականի բարելավման քայլեր

Վարկային պատմությունը և սքոր գնահատականը բարելավելու համար անհրաժեշտ է նախ շտկել դրանք վատթարացնող հիմնական պատճառները, մասնավորապես` հարկավոր է առաջին իսկ հնարավորության դեպքում արագ մարել գործող ժամկետանց պարտավորությունները, ինչպես նաև`
• թեթևացնել վարկային բեռը` մասամբ կամ ամբողջությամբ մարելով գործող վարկերը,
• մարումները կատարել սահմանված գրաֆիկին համապատասխան` բացառելով ուշացումները և ցուցաբերելով ճշտապահ վարքագիծ,
• նվազեցնել տրված երաշխավորությունները` կրճատելով դրանց քանակը, գումարը, ինչպես նաև, առկայության դեպքում, ապահովելով այդ մասով ժամկետանց պարտավորությունների լրիվ մարումը,
• բացառել ընթացիկ վարկերի գծով պարտավորությունների կատարման նույնիսկ մեկօրյա ուշացումները և խուսափել անվստահելի անձանց համար երաշխավոր դառնալուց,
• խուսափել հաճախակի նոր վարկերի ստացման համար դիմելուց:

Ձեր ֆինանսական տեղեկատուն

''Ձեր ֆինանսական տեղեկատուն'' ֆիզիկական անձանց առաջարկվող ծառայությունների որոնման, համեմատման և Ձեզ համար ամենաարդյունավետ տարբերակի ընտրությունը հեշտացնող էլեկտրոնային համակարգ է՝ https://www.fininfo.am/vcharayin-qart:

Վեճերի և տարաձայնությունների լուծման կարգ

Հաճախորդի և Բանկի միջև ծագած ցանկացած վեճ և տարաձայնություն նախ և առաջ լուծվում է երկուստեք` փոխադարձ բանակցությունների միջոցով, իսկ համաձայնության չգալու դեպքում` ՀՀ օրենսդրությամբ սահմանված ինչպես դատական կարգով, այնպես էլ Ֆինանսական համակարգի հաշտարարի միջոցով:

Ծանուցում Ֆինանսական համակարգի հաշտարարի վերաբերյալ

Տեղեկացնում ենք, որ ''Ֆինանսական համակարգի հաշտարարի մասին'' ՀՀ օրենքի համաձայն՝ ''Կոնվերս Բանկ'' ՓԲԸ կողմից Ձեզ մատուցվող ծառայությունների հետ կապված տաuը միլիոն ՀՀ դրամը կամ դրան համարժեք արտարժույթով գումարը չգերազանցող գույքային պահանջի դեպքում ծագած վեճերն ու տարաձայնությունները կարող են լուծվել Ֆինանսական համակարգի հաշտարարի միջոցով:

Բանկի և Ֆինանսական համակարգի հաշտարարի գրասենյակի միջև կնքված համաձայնագրի համաձայն՝ Բանկը հրաժարվում է Ֆինանսական համակարգի հաշտարարի որոշումները վիճարկելու իրավունքից միայն այն գույքային պահանջների մասով, որոնց չափը չի գերազանցում 250,000 (երկու հարյուր հիսուն հազար) ՀՀ դրամը կամ դրան համարժեք արտարժույթը, իսկ գործարքի գումարի չափը չի գերազանցում 500,000 (հինգ հարյուր հազար) ՀՀ դրամը կամ դրան համարժեք արտարժույթը:

Հասցե` 0010 ք. Երևան, Մ. Խորենացու փող. 15,
''Էլիտ Պլազա'' բիզնես կենտրոն 7-րդ հարկ
Էլ. փոստ՝ [email protected]
Հեռախոս` (+37460) 70-11-11
Ֆաքս` (+37410) 58-24-21

Կապ Բանկի հետ

Հավելյալ տեղեկատվության համար կարող եք՝
• այցելել Բանկի https://www.conversebank.am ինտերնետային կայք
• այցելել Բանկի Գլխավոր գրասենյակի Հաճախորդների սպասարկման գրասենյակ կամ ցանկացած մասնաճյուղ
• զանգահարել (+374 10) 511 211 հեռախոսահամարով
WhatsApp՝ +374 95 511 211


Տեղեկատվական ամփոփագիր                                                                                    Թարմացվել է 09.04.2026թ.