Կոնվերս Բանկն ու Հայփոստը ակցիա են գործարկել
21.02.2018
Banks.am
Կոնվերս Բանկն ու Հայփոստը համատեղ ակցիա են գործարկել Shopin ծառայությունից օգտվողների համար:
"Ակցիայի գործարկմամբ Կոնվերս Բանկը խորացնում է գործակցությունը բանկի հիմնական բաժնետիրոջ՝ Էդուարդո Էռնեկյանի կողմից կառավարվող խմբում ներառված մեկ այլ կառույցի՝ "Հայփոստ"-ի հետ՝ փոստային օպերատորի Sհopin համակարգով անկանխիկ գնումներ կատարողներին որոշ բանկային ծառայություններ մատուցելով արտոնյալ պայմաներով",- նշել են բանկում:
Մասնավորապես, ակցիայի շրջանակում Կոնվերս Բանկը 2017թ. ընթացքում Shopin ծառայությունից օգտված հաճախորդներին առաջարկում է Visa Gold եւ Visa Classic քարտեր՝ 50%-ով զեղչված սպասարկման վճարով, ինչպես նաեւ վարկային սահմանաչափով Visa Virtual հաշիվներ:
"Մինչեւ 1 մլն դրամի չափով վարկային սահմանաչափը կարող է օգտագործվել միայն Հայփոստի Shopin ծառայությունից օգտվելու նպատակով (ապրանքներ ձեռք բերելու եւ գնված ապրանքի` Հայփոստի կողմից առաքման ծառայության վճար)",- ասված է հաղորդագրությունում:
Միաժամանակ, Կոնվերս Բանկը Հայփոստի որոշ բաժանմունքների հաճախորդներին է առաջարկում ապառիկ վարկավորում՝ մրցունակ պայմաններով: