Թեժ գիծ +37410 511 211

Նորություններ

Կոնվերս Բանկի աշխատակիցները բարձրացնում են իրենց մասնագիտական հմտությունները

05.11.2013


Բանկի աշխատակիցների մասնագիտական հմտությունների ու կարողությունների շարունակական բարելավումն ու արդիականացումը Կոնվերս Բանկի ռազմավարական կարևոր ուղղություններից է, որի շնորհիվ Բանկը ձգտում է հնարավորինս արագ արձագանքել շուկայում տեղի ունեցող փոփոխություններին և հաճախորդներին պարբերաբար առաջարկել նոր հարմար ու հետաքրքիր հնարավորություններ:

Այս անգամ Բանկի վարկային մասնագետները կծանոթանան էներգաարդյունավետության և վերականգնվող էներգիայի աղբյուրների ոլորտում իրականացվող ծրագրերի գնահատման, ֆինանսավորման մեթոդների և ռիսկերի կառավարման գործընթացներին:

Դասընթացը կազմակերպվել է Եվրահանձնաժողովի կողմից ֆինանսավորվող INOGATE ITS ծրագիրը` USAID / FED ծրագրի հետ համատեղ: Այն վարում է հատուկ այս նպատակով Հայաստան հրավիրված՝ նշված ոլորտում առաջատար դիրքեր և հարուստ փորձ ունեցող ավստրիական ERSTE BANK-ի վարկային դեպարտամենտի ղեկավար պարոն Վերներ Վայս-Ռաաբլը: Մասնակիցներին իրենց առաջավոր փորձը կներկայացնեն նաև INOGATE ITS և USAID / FED ծրագրերի փորձագետները:

Դասընթացը կազմված է տեսական դասախոսություններից և, միաժամանակ, ներառում է բազմաբնույթ և ընդգրկուն, կոնկրետ իրադրությունների մոդելավորումով գործնական աշխատանքներ:

Դասընթացը, որը մեկնարկում է այսօր, կշարունակվի մինչև ս.թ. նոյեմբերի 9-ը:


← Վերադառնալ ցուցակին