Կոնվերս Բանկում ամփոփել են Վիզա քարտապանների համար անցկացված ակցիայի արդյունքները: Ուրախ եւ անմիջական միջավայրում ակցիայի հաղթողներին է հանձնվել 50 ոսկու ստանդարտացված ձուլակտոր:
Ակցիան իրականացվել էր հունիս-օգոստոս ամիսներին: Երեք ամիս շարունակ Բանկի Վիզա քարտապանները կատարել էին անկանխիկ գնումների, կուտակել «ոսկիներ»: Արդյունքում, Բանկի ամենաակտիվ 10-ը Վիզա քարտապանը ստացել է 10 գրամանոց, եւս 40 հաճախորդ՝ 5 գրամանոց ոսկու ստանդարտացված ձուլակտոր (հարգը՝ 999.9):
Անկանխիկ գնումների խրախուսմանը միտված ակցիաների քանակով Կոնվերս Բանկը Հայաստանի բանկային համակարգի առաջատարներից է, որը իր հաճախորդներին տարբեր տարիների հանգիստը եվրոպական երկրներում անցկացնելու, Թայլանդում հանգստանալու, տարբեր արժեքավոր նվերներ շահելու հնարավորություն է ընձեռել:
Բանկը նաեւ եզակիներից է, ով զուգահեռաբար իրականացնում է հաճախորդների խրախուսման միանգամից մի քանի ակցիա՝ զեղչեր, քեշբեքեր, գործընկերային նախագծեր եւ այլն, ինչպես նաեւ անկանխիկ գնումներից բոնուսային Կոնվերս միավորներ կուտակելու հնարավորություն է ընձեռում:
Տեսանյութը՝ https://www.youtube.com/watch?v=KjGQv8AaqtU&feature=youtu.be
Բանկը վերահսկվում է ԿԲ կողմից: